2019 صدى بنات - منتدى صدى بنات  

العودة   2019 صدى بنات - منتدى صدى بنات > الاقسام العامة > الحياة الزوجية 2014 ,عالم الحياة الزوجية

الحياة الزوجية 2014 ,عالم الحياة الزوجية w,v 2013 , صور ثقافة زوجية 2015 ,2014

التغيير بعد الزوااااج

إضافة رد
 
LinkBack أدوات الموضوع انواع عرض الموضوع
قديم 19-11-2014, 04:04 AM   #1
by Haifa Wahbe
Senior Member
 
تاريخ التسجيل: 21 - 1 - 2013
المشاركات: 571
افتراضي التغيير بعد الزوااااج



 



سلام عليكم يا بنانيت و يا ستوتات
انا مش عارفة الموضوع دة يتكتب هنا ولا في المواضيع العامة بس يلا
المهم
ليه يا جماعة كل الناس بتقول على الجواز وحش !!
يعني انا مثلا راسمة شكل لحياتي بعد الجواز بس كل ما حد يتكلم معايا من اخواتى المتجوزين مثلا او اى حد يقولى انتى عايشة في احلام وردية التغيير بعد الزوااااج
انا عارفة ان الجواز مسؤلية طبعا وكل حاجة بس انتى لو خدتي لنفسك كدة اسلوب حياة فيها هيبقى احلى حياة بجد
حاجات صغيرة ممكن تعمليها بس بتفرق في حياتكوا جامد اوى
من اول الابتسامة اللى تخليها على وشك دايما لحد كل حاجة بقا
بس انتي اللي في ايدك حياتك دي تبقى سعيدة ولا لا
بصي لنفسك شوفي انتى اتغيرتي ولا لا
طريقتك معاه اتغيرت عن ايام الخطوبة ؟؟!!
خليكي انثى في شكلك في لبسك في نضافتك في ريحتك في صوتك في طريقة كلامك في طريقة زعلك بلاش الصوووت العاالي يا جماعة بلاش اول ما يدخل ما الباب استقبله بالمشاكل خليكي شوية مرحة و شوية رقيقة و رومانسية و شوية طفلة و شوية عاقلة و حبة جنان التغيير بعد الزوااااج
انا من الناس اللى حواليا الناس اللى بلاقيهم زهقانين من الجواز بيبقى العيب من الواحدة معظم الوقت
حتى لو هو مش زي الفل يعني جربي انتى و شديه ليكي اكيد هتلاقي رد فعل التغيير بعد الزوااااج
خليكي طيوبة مع اهله بردو هما لو عملتي معاهم حاجات صغننة كدة هتفرق معاهم و هتأثر بالايجابي على حياتك انتى و هو
يعني مثلا مش لازم اروح عند حماتي زي الضيفة واستنى لما هو ييجي من الشغل و نروح انا و هو
مش لازم مرواحك هناك يبقى مرتبط بيه
مفيهاش حاجة لو عديتي عليها الصبح شوية زي ما بتعدي على مامتك
حاجات صغيرة عارفة بس والله والله بتفرق و شوفت من دة كتير من ناس قريبين منى اوى
بلاش الكلام عن حد قدامه بالوحش هيشوفك بصورة مش حلوة خلي النم دة مع صحباتنا :d
شغلك مهم و كل حاجة
بسس جوزك اهم يعني انا مثلا طالع عيني في كلية هندسة 5 سنين و ربنا عالم بنتعب فيها ازاى
و المنطقي طبعا انى مش هقعد في البيت بعد التعب دة و يروح كدة
انا نفسي اشتغل دة اذا لاقيت طبعا :d
بس شرط في الشغل دة انى مدخلش البيت بعده حتى لو ب ثانية وانا اللى حاطة الشرط دة لنفسي والله هو قالي اشتغلي بس متقصريش مفيش مشكلة
قال يعني هلاقي شغل بتشرط كمان ههههههههه يلا بقا
لازم يدخل يلاقيكي مستنياه حتى لو هو قالك انه معندوش مشكلة و متكلمش معاكي بس غصب عنه هييجي عليه وقت يبقى نفسه يرجع يلاقيكي مستنياه بشكل معين
ممممممممممم
نضافة البيت بردو مهمة او يعني خليه يحس انه ما بيصدق يروح عشان يرتاح فعلا
اكسري الروتين بأى حاجة اى فكرة تيجي في بالك اعمليها
بصوا الموضوع دة كبير كبير و انا حابة اتناقش معاكو فيه لو تحبوا
سؤال بقا للمتجوزين اعترفواا يلااا
جوزك اتغير بعد الجواز؟؟؟
طب وانتى
اتغيرتي ؟؟؟؟؟؟؟؟؟؟

المحتوى مخفي .. يرجى الرد على الموضوع لرؤية جميع الصور







hgjyddv fu] hg.,hhhh[

كلي حلاا غير متواجد حالياً   رد مع اقتباس
إضافة رد

مواقع النشر (المفضلة)

التغيير بعد الزوااااج


مواضيع مشابهه في الحياة الزوجية 2014 ,عالم الحياة الزوجية


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 11:27 AM.


Powered by vBulletin® Version 3.8.5
Copyright ©2000 - 2019, Jelsoft Enterprises Ltd.
Search Engine Friendly URLs by vBSEO
3y vBSmart
جميع المشاركات المكتوبة تعبّر عن وجهة نظر صاحبها ... ولا تعبّر بأي شكل من الأشكال عن وجهة نظر المنتدى